07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Ադրբեջանի ՊՆ ղեկավարն ու ԳՇ պետը հանդիպումներ են անցկացրել Թուրքիայի իրենց պաշտոնակիցների հետ
Քաղաքականություն
30.05.2024 | 12:34
Թուրքիա կատարած աշխատանքային այցի ընթացքում Ադրբեջանի պաշտպանության նախարար Զաքիր Հասանովը հանդիպել է իր թուրք գործընկեր Յաշար Գյուլերի հետ։ Ադրբեջանի ՊՆ-ի փոխանցմամբ՝ նախարարները քննարկել են ռազմական, ռազմատեխնիկական և ռազմակրթական ոլորտներում երկկողմ համագործակցության զարգացման հեռանկարները։ Տեղի է ունեցել նաև «մտքերի հանգամանալից փոխանակում փոխադարձ հետաքրքրություն ներկայացնող մի շարք հարցերի շուրջ»։
Ադրբեջանի ԳՇ պետ Քերիմ Վելիևն էլ հանդիպել է Թուրքիայի զինված ուժերի գլխավոր շտաբի պետ Մեթին Գյուրաքի հետ։ Կողմերը քննարկել են Ադրբեջանի և Թուրքիայի միջև ռազմական և ռազմատեխնիկական համագործակցության ներկա վիճակը և «ընդգծել փորձի փոխանակման նպատակով համատեղ զորավարժությունների ինտենսիվության ավելացման կարևորությունը»։
Ադրբեջան ՊՆ ու պետական սահմանային ծառայության ղեկավարությունը այցելել է նաև Իզմիրի «Դողանբեյ» զորավարժարան և մասնակցել Թուրքիայի պաշտպանական արդյունաբերության կոմիտեի ցուցահանդեսին։
Ադրբեջանական պատվիրակությունը մասնակցելու է նաև «Բարձրաստիճան դիտորդների օրվան» «EFES-2024» բազմազգ զորավարժությունների շրջանակում»։
