07.10.2026 | 10:36
Փաշինյանի ՌԴ այցը դեռ չի քննարկվում, Պուտինի հետ հանդիպում Թուրքմենստանում չի նախատեսվում․ Ուշակով
Սաուդյան Արաբիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին
Քաղաքականություն
29.05.2024 | 21:51
Սաուդյան Արաբիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին։ Այս մասին տեղեկացնում են ՀՀ ԱԳՆ-ից։
«Շնորհավորելով դեսպան Սալման Աբդ Ալ-Ռահման Ալ Ալ-Շեյխին առաքելությունը ստանձնելու կապակցությամբ՝ Վահան Կոստանյանը կարևոր հանգրվան է համարել նախորդ տարի նոյեմբերին Հայաստանի Հանրապետության և Սաուդյան Արաբիայի Թագավորության միջև դիվանագիտական հարաբերությունների հաստատումը: Այս առումով նախարարի տեղակալը համոզմունք է հայտնել, որ դեսպանի հավատարմագրումն իր նպաստը կբերի երկու երկրների միջև հարաբերությունների ամրապնդման և զարգացման հարցում:
Երկուստեք արձանագրվել է որ առկա է երկկողմ համագործակցության զգալի ներուժ: Կողմերը պատրաստակամություն են հայտնել առավելագույն ջանքեր գործադրել բազմաշերտ համագործակցությունն ընդլայնելու ուղղությամբ: Կարևորվել է նաև փոխադարձ բարձրաստիճան այցերի կազմակերպումը, ինչպես նաև երկու երկրների միջև իրավապայմանագրային դաշտի ձևավորումը։
Հանդիպման ընթացքում նախարարի տեղակալը զրուցակցին է ներկայացրել Հայաստանի՝ տարածաշրջանում խաղաղության և կայունության հասնելու, ինչպես նաև տարածաշրջանի տնտեսական և տրանսպորտային կապուղիների ապաշրջափակմանն ուղղված ջանքերը, հակիրճ անդրադարձել ՀՀ և հարևան երկրների միջև հարաբերությունների վերջին զարգացումներին»,- ասված է հաղորդագրության մեջ:
