24.02.2026 | 22:48
Դուրովը հայտարարել է ՌԴ-ում իր դեմ ահաբեկչության հոդվածով քրեական գործ հարուցելու մասին
Ինչ անել հեղեղումներից հետո աղետի գոտում հնարավոր վարակիչ հիվանդություններից խուսափելու համար
Հասարակություն
29.05.2024 | 21:28
ՅՈՒՆԻՍԵՖ Հայաստանը ներկայացրել է, թե ինչ պետք է անել հեղեղումներից հետո աղետի գոտում հնարավոր վարակիչ հիվանդություններից խուսափելու համար.
- մի՛ օգտագործեք ջուր խմելու և կենցաղային նպատակով (այդ թվում` եռացած), եթե նկատվում է ջրի հոտի և գույնի փոփոխություն (պղտորություն).
- հետևեք առողջապահության նախարարության էջերին՝ խմելու ջրի որակի մասին տեղեկանալու համար.
- խուսափեք հում սննդից, եթե այն հնարավոր չէ կեղևազրկել.
- եփած սնունդը երկար մի պահեք, պահելիս անպայման ծածկեք և նորից օգտագործելուց առաջ լավ տաքացրեք.
- մի՛ կերեք սնունդ, որին հեղեղաջուրը կարող էր դիպչել.
- անմիջապես դիմեք բժշկի, եթե դուք կամ ընտանիքի որևէ անդամ ունի ինֆեկցիայի որևէ ախտանշան, ինչպիսիք են, օրինակ, սրտխառնոց և փսխում, որովայնի շրջանում կծկանքանման ցավեր, փորլուծություն:
