23.11.2024 | 19:00
Այսօր չկան կիրթ մեկենասներ, հայ կոմպոզիտորները ճանաչելի չեն դրսում, պետությունը մեծ անելիք ունի. Սաթյան. ՏԵՍԱՆՅՈՒԹ
ՆԱՏՕ-ի անդամ երկրները Զելենսկիին խնդրել են այս պահին չպահանջել Ուկրաինայի անդամակցությունը դաշինքին
Քաղաքականություն
29.05.2024 | 13:56
Ուկրաինայի դաշնակիցները նախագահ Վլադիմիր Զելենսկիին խնդրել են չպահանջել «անհնարինը»՝ երկրի վաղաժամ անդամակցությունը ՆԱՏՕ-ին։ Այս մասին The Telegraph-ին հայտնել են իրազեկ աղբյուրները։ Զելենսկիին խնդրել են ճնշում չգործադրել դաշինքի առանձին անդամների վրա, որպեսզի նրանք աջակցեն դաշինքում Ուկրաինայի ընդգրկման հստակ ժամանակացույցին։ Դա պայմանավորված է այս հարցում դաշինքում անցած տարի ծագած պառակտմամբ։
Բանն այն է, որ հիմնականում ԱՄՆ-ը և Գերմանիան են դեմ դաշինքին Ուկրաինայի անդամակցության ժամկետների հստակեցմանը և այդ ընթացակարգի արագացմանը։ Նրանք մտավախություն ունեն, որ նման քայլի արդյունքում ՆԱՏՕ-ն հակամարտության մեջ կմտնի Ռուսաստանի հետ: Այնինչ, Մեծ Բրիտանիան, Լիտվան և Ֆրանսիան պնդում են, որ Վաշինգտոնում հուլիսին կայանալիք ՆԱՏՕ-ի գագաթնաժողովի վերջնական փաստաթուղթը ինչ-որ ձևով պարունակի «հրավեր» բառը։
Ինչպես նշում է The Telegraph-ը, դաշնակիցներն այժմ համաձայնության են եկել, ըստ որի՝ առաջիկա գագաթնաժողովում կհաստատվի ՆԱՏՕ-ին Ուկրաինայի անդամակցության ճանապարհային քարտեզը՝ ի նշան այս գործընթացին աջակցության։
