23.11.2024 | 18:09
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Ուկրաինայի ԶՈՒ-ն հայտարարել է 13 խոցված կամիկաձե անօդաչու թռչող սարքերի մասին, ՌԴ ՊՆ-ն՝ մեկի
Քաղաքականություն
29.05.2024 | 11:07
Ռուս զինվորականները երեկ երեկոյան 14 հարվածային անօդաչու թռչող սարքերով հարձակվել են ուկրաինայի մի շարք շրջանների վրա, հայտնում է Ուկրաինայի ԶՈՒ-ն։ ԱԹՍ-ներից 13-ը խոցվել է Նիկոլաևի, Կիրովոգրադի և Ռիվնեի շրջաններում, գրում է BBC-ի ռուսական ծառայությունը։
«2024 թվականի մայիսի 29-ի գիշերը զավթիչները Պրիմորսկո-Ախտարսկի շրջանից հարձակվել են «Շահեդ-131/136» տիպի 14 հարձակողական անօդաչու թռչող սարքերով»,- հայտնել են ուկրաինացի զինվորականները։ Հարձակումը հետ մղելու գործում ներգրավված են եղել ավիացիան, զենիթահրթիռային ստորաբաժանումները, շարժական կրակային խմբերը և ռադիոէլեկտրոնային պայքարի միջոցները, ասվում է հայտարարության մեջ։
Ռուսաստանի պաշտպանության նախարարությունն իր հերթին հայտարարել է, որ անցած գիշեր հակաօդային պաշտպանության համակարգերը Բելգորոդի շրջանի տարածքում խոցել են մեկ անօդաչու թռչող սարք և յոթ հրթիռ։
Կրասնոդարի երկրամասի նահանգապետ Վենիամին Կոնդրատևը Telegram-ում հայտնել է, որ ԱԹՍ է խոցվել Արմավիր քաղաքում․ «Նախնական տվյալներով զոհեր և ավերածություններ չկան։ Անօդաչու թռչող սարքի կործանման վայրում որոնողական աշխատանքները շարունակվում են»։
