01.11.2024 | 14:18
Նոյեմբերի առաջին տասնօրյակը տաք է, երրորդ տասնօրյակի միջին ջերմաստիճանը բացասական է
Ուկրաինայի կողմից արևմտյան զենքի օգտագործումը ՌԴ թիրախների դեմ ՆԱՏՕ-ին հակամարտության կողմ չի դարձնի. Ստոլտենբերգ
Քաղաքականություն
28.05.2024 | 16:58
ՆԱՏՕ-ի գլխավոր քարտուղար Յենս Ստոլտենբերգը Բրյուսելում ԵՄ պաշտպանության նախարարների հետ հանդիպումից առաջ, որին մասնակցել է նաև Ուկրաինայի պաշտպանության նախարար Ռուստեմ Ումերովը, ասել է, որ Ուկրաինայի կողմից արևմտյան զենքի օգտագործումը ՌԴ-ում թիրախների դեմ ՆԱՏՕ-ին չի դարձնի հակամարտության կողմ, փոխանցում է BBC-ի ռուսական ծառայությունը։
«Սահմանափակումների վերացումը [Ռուսաստանում թիրախներին հարվածելու համար] ազգային որոշում է, ոչ թե ամբողջ ՆԱՏՕ-ի որոշումը: Որոշ դաշնակիցներ նույն սահմանափակումները չկիրառեցին Ուկրաինային մատակարարած զենքի նկատմամբ, իսկ մյուսները՝ կիրառեցին: Կարծում եմ, որ այժմ ժամանակն է վերանայել այդ սահմանափակումները»,- ասել է ՆԱՏՕ-ի գլխավոր քարտուղարը:
Նախօրեին Ստոլտենբերգն ասել էր, որ Ուկրաինան պետք է կարողանա օգտագործել Արևմուտքի կողմից մատակարարվող զենքը՝ Ռուսաստանի տարածքում «օրինական թիրախներին» հարվածելու համար։
«Երբ դրանք [սահմանափակումները] չափազանց շատ են, Ուկրաինայի Զինված ուժերի ձեռքերը կապված են, դա նվազեցնում է նրանց պաշտպանվելու ունակությունը»,- նշել էր ՆԱՏՕ-ի ղեկավարը Բուլղարիայում Հյուսիսատլանտյան դաշինքի խորհրդարանական վեհաժողովի նիստում։
