09.09.2026 | 19:47
Սեպտեմբերի 10-ից մինչև նոյեմբերի 1-ը փակ կլինի Կոմիտասի պողոտա-Դավիթ Անհաղթի փողոց ուղեանցի վերին հատվածը
Բագրատ արքեպիսկոպոս Գալստանյանն աջակիցների հետ Սարդարապատից վերադառնում է Երևան
Քաղաքականություն
28.05.2024 | 12:22
«Տավուշը հանուն հայրենիքի» շարժման անդամները Սարդարապատից վերադառնում են Երևան։ Նրանք հավաքվելու են Հանրապետության հրապարակում։ Շարժումն առաջնորդող Բագրատ արքեպիոսկոպոս Գալստանյանը երեկ Շահումյանի հրապարակում հայտարարել էր գիշերը Սարդարապատի հուշահամալիրում անցկացնելու մտադրության մասին։
Հանրապետության տոնի առթիվ վարչապետ Նիկոլ Փաշինյանը դեռ չի այցելել հերոսամարտի հուշահամալիր․ այս պահին դեռ հայտնի չէ՝ կայցելի, թե ոչ։ Կառավարությունից մեր հեռախոսազանգերին չեն պատասխանում։
Անդրադառնալով Նիկոլ Փաշինյանի՝ Սարդարապատ չայցելելուն, Բագրատ արքեպիսկոպոս Գալստանյանն ասել է․ «Երկու պատճառով այդ մարդը չի եկել։ Մեկը՝ հասկացել է, որ սա իր տեղը չէ, մյուսը՝ երևի դրսից են ասել, որ չես գնալու։ Այդ մարդն այլևս որևէ ձևով կապ չունի մեր երկրի, մեր խորհրդանիշների հետ։ Ինքը հռչակել է պատմական ու իրական Հայաստանների մասին աբսուրդը։ Սա երևի իր մտքի մեջ պատմական Հայաստանի մաս է ու իրական Հայաստանի հետ կապ չունի»։
