01.11.2024 | 14:29
Լավրովն Ուկրաինայում պատերազմի մեկնարկից ի վեր առաջին անգամ կայցելի ԵՄ անդամ երկիր
Իրանի խորհրդարանը նոր խոսնակ ունի
Քաղաքականություն
28.05.2024 | 12:09
Իրանցի պատգամավորները խորհրդարանի նոր նախագահ են ընտրել Մոհամմադ Բաքեր Ղալիբաֆին։ Երեքշաբթի խորհրդարանի բաց նիստին ներկա 287 օրենսդիրներից 198-ը քվեարկել է Ղալիբաֆի, 60-ը՝ Մոջթաբա Զոննուրի, իսկ 5-ը՝ նախկին արտգործնախարար Մանուչեհր Մոթաքիի օգտին, գրում է Tasnim news agency-ն:
Խորհրդարանի և Փորձագետների ժողովի համապետական ընտրությունները տեղի են ունեցել մարտի 1-ին։ Քվեարկելու իրավունք ուներ շուրջ 61 միլիոն իրանցի, այդ թվում՝ 3,5 միլիոնն առաջին անգամ էին ընտրում:
Խորհրդարանական ընտրությունների երկրորդ փուլն անցկացվել է մայիսի 10-ին՝ օրենսդիր մարմնում մնացած 45 մանդատները լրացնելու համար։
Իրանի խորհրդարանում կա 290 տեղ։ Օրենսդիրներն ընտրվում են 4 տարի ժամկետով։
