01.11.2024 | 14:29
Լավրովն Ուկրաինայում պատերազմի մեկնարկից ի վեր առաջին անգամ կայցելի ԵՄ անդամ երկիր
ՌԴ-ն պատրաստվում է Ստեփանակերտում գլխավոր հյուպատոսության բացել և ակնկալում է Ադրբեջանի աջակցությունը․ Կարասին
27.05.2024 | 20:09
Ռուսաստանն ակնկալում է Ադրբեջանի աջակցությունը՝ Ստեփանակերտում Ռուսաստանի գլխավոր հյուպատոսության բացման նախապատրաստական աշխատանքների հետ կապված, որը կսկսվի մոտ ապագայում։ Այս մասին հայտարարել է ՌԴ Դաշնային խորհրդի միջազգային հարաբերությունների հանձնաժողովի նախագահ Գրիգորի Կարասինը Ադրբեջանի Միլլի Մեջլիսի պատվիրակության հետ հանդիպմանը, որը գլխավորել է Միջազգային հարաբերությունների և միջխորհրդարանական հարաբերությունների հանձնաժողովի նախագահ Սամեդ Սեիդովը, գրում է ՏԱՍՍ-ը։
«Մեր երկկողմանի հարցերից ես կնշեմ Խանքենդիում գլխավոր հյուպատոսության բացումը: Մենք նախատեսում ենք մոտ ապագայում սկսել նախապատրաստական աշխատանքները և ապավինում ենք ձեր աջակցությանը»,- ասել է Կարասինը։
Նրա խոսքով՝ իդեալական կլիներ գլխավոր հյուպատոսությունը բացել 2024 թվականին։
«Դա թույլ կտա մեզ վերացնել փոխադարձ հյուպատոսական ներկայության անհավասարությունը»,- հավելել է Կարասինը:
