07.10.2026 | 11:52
Կոստանյանը ներկայացրել է ենթակառուցվածքների ապաշրջափակմամբ ստեղծվող տնտեսական հնարավորությունները
Թուրքիայի նախագահը հայտարարել է նոր Սահմանադրության ընդունման անհրաժեշտության մասին
Քաղաքականություն
27.05.2024 | 17:07
Թուրքիայի նախագահ Ռեջեփ Թայիփ Էրդողանը հայտարարել է 1980 թվականի ռազմական հեղաշրջումից հետո ընդունված գործող Սահմանադրությունը փոխարինելու անհրաժեշտության մասին, գրում է ՏԱՍՍ-ը:
«Այս երկրում հեղաշրջումների և [ռազմական] հուշագրերի ժամանակներն անցյալում են։ Գործող Սահմանադրությունը խաթարում է վստահությունը քաղաքականության նկատմամբ, Թուրքիան չի կարող դրանով առաջ շարժվել»,- ասել է Էրդողանը։
Թուրքիայի նախագահը նոր Սահմանադրություն ընդունելու նախաձեռնությամբ հանդես է եկել Ստամբուլի մերձակայքում Մարմարա ծովում գտնվող «ժողովրդավարության և ազատության կղզում», որտեղ նախկին վարչապետ Ադնան Մենդերեսը և նրա կառավարության երկու նախարարները մահապատժի են ենթարկվել 1961 թվականի հեղաշրջումից հետո։ Մայիսի 27-ին Թուրքիան նշում է այս հեղաշրջման տարելիցը։
«Մենք չենք մոռանա և չենք ների դավադիրներին ոչ միայն 64 տարի անց, այլև դարեր անց»,- ասել է Էրդողանը։
