24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
Ստոլտենբերգը հանդես է գալիս Կիևին ռազմական օգնություն տրամադրելու համար «ամուր կառույցի» ստեղծման օգտին
Քաղաքականություն
27.05.2024 | 16:30
ՆԱՏՕ-ի գլխավոր քարտուղար Յենս Ստոլտենբերգն առաջարկել է ստեղծել մշտական կառույց՝ Ուկրաինային զենք մատակարարելու և դրանց ֆինանսավորման կազմակերպման համար, գրում է РБК-Украина-ն՝ վկայակոչելով ՆԱՏՕ-ի Խորհրդարանական վեհաժողովի իր ելույթը։
«Ես համոզված եմ, որ մեզ անհրաժեշտ է ավելի ամուր ինստիտուցիոնալ կառույց՝ Ուկրաինային օգնություն տրամադրելու համար։ Միանվագ կարճաժամկետ կամավոր օգնությունը լավ է, բայց երկարաժամկետ հեռանկարում մեզ անհրաժեշտ է ավելի կանխատեսելի, ավելի ուժեղ օգնություն Ուկրաինային»,- ասել է Ստոլտենբերգը։
Նրա խոսքով՝ մի քանի նախաձեռնություններ է առաջարկել, որոնց դաշնակիցները կարող են հավանություն տալ հուլիսին կայանալիք ՆԱՏՕ-ի գագաթնաժողովում։
«Սա ՆԱՏՕ-ի մեծ դերն է զենք մատակարարելու և զինվորների ուսուցման ու բազմամյա ֆինանսական պարտավորությունների հարցում»,- ասել է Ստոլտենբերգը։
