11.08.2026 | 13:00
Թուրքիայի խորհրդարանը հաստատել է քրդական PKK-ի զինյալների համար համաներում հայտարարելու օրենքը
Պապուա Նոր Գվինեայի իշխանությունները հայտնել են, որ ավելի քան 2000 զոհ կարող է լինել սողանքի պատճառով
Քաղաքականություն
27.05.2024 | 17:30
Պապուա Նոր Գվինեայի իշխանությունները կարծում են, որ մայիսի 24-ի սողանքը «ողջ-ողջ թաղել է ավելի քան երկու հազար մարդու» և «խոշոր ավերածություններ» է առաջացրել Էնգա նահանգի Յամբալի գյուղում։ Այս մասին գրում են Associated Press-ը և Reuters-ը՝ վկայակոչելով Արտակարգ իրավիճակների արձագանքման ազգային կենտրոնի նամակը, որն ուղարկվել է ՄԱԿ-ին։
Սա գրեթե երեք անգամ ավելին է, քան ՄԱԿ-ի մայիսի 26-ի գնահատականը, որի համաձայն՝ սողանքը խլել է 670 մարդու կյանք: Կազմակերպության գնահատականը հիմնված է Յամբալի գյուղի և Էնգա նահանգի իշխանությունների տվյալների վրա։ Դրանց համաձայն՝ ավելի քան 150 տուն է հայտնվել սողանքի տակ (նախկինում հաղորդվում էր 60 տան մասին):
Լրատվական գործակալությունները նշում են, որ տուժած տարածքի բնակչության թիվը դժվար է գնահատել, քանի որ Պապուա Նոր Գվինեայում վերջին հավաստի մարդահամարն անցկացվել է 2000 թվականին, և շատ մարդիկ ապրում են մեկուսացված լեռնային գյուղերում:
Պապուա Նոր Գվինեայում միգրանտների հարցերով ՄԱԿ-ի առաքելության ղեկավար Սերհան Ակտոպրակն ասել է, որ կազմակերպությունը «չի կարող վիճարկել կառավարության ենթադրությունները, բայց չի կարող նաև մեկնաբանել դրանք»: Երկրի վարչապետ Ջեյմս Մարապեի գրասենյակը չի պատասխանել լրագրողներին, ովքեր մեկնաբանություն են խնդրել, թե ինչի վրա է հիմնված կառավարության ներկայացրած զոհերի թիվը:
