07.10.2026 | 11:52
Կոստանյանը ներկայացրել է ենթակառուցվածքների ապաշրջափակմամբ ստեղծվող տնտեսական հնարավորությունները
Պուտինին առաջարկել են «Թալիբան»-ը հանել արգելված կազմակերպությունների ցուցակից
Քաղաքականություն
27.05.2024 | 14:00
ՌԴ արտաքին գործերի և արդարադատության նախարարությունները նախագահ Վլադիմիր Պուտինին զեկուցել են, որ «Թալիբան» շարժումը կարող է հանվել արգելված կազմակերպությունների ցանկից։ Այս մասին ՏԱՍՍ-ին հայտնել է ՌԴ ԱԳՆ Ասիական երկրորդ դեպարտամենտի տնօրեն Զամիր Քաբուլովը։
Նա ասել է, որ դիրքորոշումը փոխանցվել է այլ գերատեսչությունների հետ համաձայնությամբ։
«Դրական է»,- ասել է Քաբուլովը ՝ պատասխանելով հարցին, թե արտաքին քաղաքական գերատեսչությունն ինչ դիրքորոշում ունի այս հարցում։
«Դա [«Թալիբանը» արգելված կազմակերպությունների ցուցակից հանելը] պարտադիր է։ Առանց սրա՝ ճանաչման մասին խոսելը վաղաժամ կլինի։ Ուստի այս հարցը շարունակում է մշակվել։ Բոլոր նկատառումները զեկուցվել են Ռուսաստանի բարձրագույն ղեկավարությանը։ Մենք սպասում ենք որոշման ընդունմանը»,- հավելել է Քաբուլովը։
Նշենք, որ ՌԴ իշխանությունները վաղուց են կապեր պահպանում թալիբների հետ։ «Թալիբան»-ի պատվիրակությունը պարբերաբար այցելում է Մոսկվա։ Մայիսի 15-ին էլ նրանք մասնակցել են «Ռուսաստան-Իսլամական աշխարհ.KazanForum» համաժողովին։
