24.06.2026 | 07:58
ԱԱ-2026. Կոլումբիան հաղթեց ու նվաճեց փլեյ-օֆֆի ուղեգիր. ՏԵՍԱՆՅՈՒԹ
Իսպանիան Կիևին Patriot հրթիռներ և Leopard տանկեր կտրամադրի
Քաղաքականություն
27.05.2024 | 14:19
Իսպանիան նախատեսում է Patriot հակաօդային պաշտպանության հրթիռներ և Leopard տանկեր ուղարկել Ուկրաինա՝ ապրիլին հայտարարված 1,13 միլիարդ եվրո արժողությամբ ռազմական օգնության փաթեթի շրջանակում։ Այս մասին գրում է տեղական El Pais պարբերականը՝ վկայակոչելով իր աղբյուրներին։
Իսպանիան Ուկրաինային կփոխանցի ավելի քան 10 Patriot զենիթահրթիռներ և 19 օգտագործված գերմանական Leopard 2A4 տանկեր, ինչպես նաև իսպանական արտադրության զենքեր, այդ թվում՝ հակադրոնային զենք և զինամթերք, գրում է Reuters-ը։
Զենքի նոր մատակարարումների մասին կհայտարարվի Ուկրաինայի նախագահ Վլադիմիր Զելենսկիի՝ երկուշաբթի Մադրիդ նախանշված պաշտոնական այցի ժամանակ, որտեղ նա կհանդիպի վարչապետ Պեդրո Սանչեսի և Ֆելիպե թագավորի հետ, գրում է El Pais-ը։
Փաթեթի արժեքի մասին ավելի վաղ հայտարարվել էր, սակայն մինչ այժմ հայտնի չէր, թե ինչ զինատեսակներ է այն ներառելու։
Զելենսկին անընդհատ խոսում է ուկրաինական հակաօդային պաշտպանության համակարգի ամրապնդման անհրաժեշտության մասին, այդ թվում՝ Patriot-ի օգնությամբ, Խարկովի և ուկրաինական այլ շրջանների վրա հրթիռային հարձակումների ավելացման ֆոնին։
