23.11.2024 | 14:46
Հայտարարվել է Հակակոռուպցիոն կոմիտեի նախագահի թեկնածուների ընտրության խորհրդի ներկայացուցիչների ներգրավման մրցույթ
Պուտինը համաձայն է բանակցություններին, բայց նաև պատրաստ է պատերազմել․ Reuters
Քաղաքականություն
24.05.2024 | 15:55
Ռուսաստանի նախագահ Վլադիմիր Պուտինը պատրաստ է դադարեցնել պատերազմն Ուկրաինայում, եթե հրադադարի մասին համաձայնագիր կնքվի, որը կամրագրի կողմերի ներկայիս դիրքերն առաջնագծում, Reuters-ին հայտնել են ռուսական չորս աղբյուրներ։
Սրա հետ մեկտեղ, նրանց տեղեկություններով, եթե Կիևը և Արևմուտքը չգնան դրան, Պուտինը պատրաստ է շարունակել պատերազմը։
Պուտինի շրջապատից երեք աղբյուր, որոնք լավատեղյակ են այս հարցի շուրջ քննարկումներից, գործակալությանը հայտնել են, որ ՌԴ ղեկավարը ոչ մեծ թվով խորհրդականների հետ խոսակցություններում իր հիասթափությունն է հայտնել, որ Արևմտյան երկրները, իր խոսքով՝ աջակցում են Ուկրաինայի նախագահ Վլադիմիր Զելենսկիի որոշմանը՝ բացառելու Մոսկվայի հետ բոլոր բանակցությունները։
«Պուտինը կարող է կռվել այնքան ժամանակ, որքան անհրաժեշտ է, բայց նա նաև պատրաստ է հրադադարի՝ պատերազմը սառեցնելու համար»,- գործակալությանն ասել է չորրորդ բարձրաստիճան ռուսական աղբյուրը:
