23.11.2024 | 14:46
Հայտարարվել է Հակակոռուպցիոն կոմիտեի նախագահի թեկնածուների ընտրության խորհրդի ներկայացուցիչների ներգրավման մրցույթ
Մակրոնը կուժեղացնի Նոր Կալեդոնիայում անվտանգության ուժերը
Քաղաքականություն
23.05.2024 | 17:11
Նոր Կալեդոնիա ժամանած Ֆրանսիայի նախագահ Էմանուել Մակրոնը հայտարարել է անվտանգության ուժերի ուժեղացման մասին՝ ավելի քան մեկ շաբաթ տևած բռնություններից հետո կարգուկանոնը վերականգնելու համար, գրում է Euronews-ը։
Մայիսի 13-ից սկսած Փարիզը մոտ 3000 ժանդարմ, ոստիկան և անվտանգության այլ ուժեր է ուղարկել արշիպելագ:
«Այս ուժերը կմնան իրենց տեղում այնքան ժամանակ, որքան անհրաժեշտ է, այդ թվում՝ Օլիմպիական և Պարալիմպիկ խաղերի ժամանակ»,- ասել է Մակրոնը:
Նա նաև ասել է, որ Նոր Կալեդոնիայում հայտարարված արտակարգ դրությունը չպետք է երկարաձգվի՝ պայմանով, որ ճանապարհային արգելափակումները վերանան։
Ֆրանսիայի նախագահի այցը սկսվել է մեկ րոպե լռությամբ՝ ի հիշատակ անկարգությունների ժամանակ զոհված վեց մարդու՝ երկու ժանդարմների և չորս խաղաղ բնակիչների։
Անկարգությունների պատճառ է դարձել ընտրական իրավունքի բարեփոխման օրինագիծը, որը ձայնի իրավունք կտա Նոր Կալեդոնիայի հազարավոր բնակիչների, ովքեր այնտեղ ապրել են առնվազն 10 տարի: Նորամուծության հակառակորդները մտավախություն ունեն, որ տեղի բնակչությունը՝ կանակները, ավելի մարգինալացված կլինեն: Բնիկ կանակները կազմում են Նոր Կալեդոնիայի բնակչության մոտ 40%-ը։ Անկախության կողմնակիցները մտահոգված են, որ ֆրանսիամետ ընտրողները կարող են թուլացնել իրենց շարժումը:
