11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Ադրբեջանն ու Տաջիկստանը ռազմավարական գործընկերության հռչակագիր են ստորագրել
Քաղաքականություն
23.05.2024 | 16:20
Տաջիկստանի նախագահ Էմոմալի Ռահմոնը պետական այցով Ադրբեջանում է։ Այսօր նա առանձնազրույց է ունեցել Իլհամ Ալիևի հետ, ապա բանակցությունները շարունակվել են ընդլայնված կազմով։ Ադրբեջանական լրատվամիջոցների փոխանցմամբ՝ բանակցություններից հետո կողմերի միջև ստորագրվել է 14 փաստաթուղթ։
Մասնավորապես, Ալիևն ու Ռահմոնը ստորագրել են «Ադրբեջանի Հանրապետության և Տաջիկստանի Հանրապետության միջև ռազմավարական գործընկերության մասին հռչակագիրը»։
Բացի այդ, Ադրբեջանի թվային զարգացման և տրանսպորտի նախարարության ու Տաջիկստանի արդյունաբերության և նոր տեխնոլոգիաների նախարարության միջև փոխըմբռնման հուշագիր է ստորագրվել։ Կողմերը համաձայնագրեր են ստորագրել շրջակա միջավայրի պահպանության, արդյունաբերական սեփականության պաշտպանության, թվային առևտրի, միգրացիոն, տեխնիկական տեղեկատվության անվտանգության և այլ ոլորտներում համագործակցության վերաբերյալ։
