23.11.2024 | 14:46
Հայտարարվել է Հակակոռուպցիոն կոմիտեի նախագահի թեկնածուների ընտրության խորհրդի ներկայացուցիչների ներգրավման մրցույթ
Ռուսական զորքերն առնվազն 15 հարված են հասցրել Խարկովին․ զոհեր և վիրավորներ կան
Քաղաքականություն
23.05.2024 | 15:20
Ռուսական զորքերն առնվազն 15 հարված են հասցրել Խարկովին, հայտարարել է Խարկովի շրջանային ռազմական վարչակազմի ղեկավար Օլեգ Սինեգուբովը, գրում է Current Time-ը։
Խարկովի քաղաքապետ Իգոր Տերեխովի տեղեկացմամբ էլ՝ հարվածների թիրախում են եղել տրանսպորտային ենթակառուցվածքները և կոմունալ ընկերություններից մեկը: Հարվածներից մեկը եղել է մասնավոր ձեռնարկության, ամենայն հավանականությամբ՝ տպարանի ուղղությամբ։ Երկու մարդ մահացել է, ևս վեցը՝ վիրավորվել։ Հարվածի հետևանքով թղթի արտադրամասում ուժեղ հրդեհ է բռնկվել, ինչի հետևանքով չի հաջողվում պարզել մեկ անձի գտնվելու վայրը, գրել է Տերեխովը։
Մեկ այլ հարվածի վայրում հայտնաբերվել է ևս մեկ զոհի դի, մեկ մարդ վիրավորվել է։
Սինեգուբովի վերջին տվյալներով՝ հարձակման հետևանքով չորս մարդ է զոհվել։
