07.10.2026 | 11:02
2027 թ․ հունվարի 1-ից սոցփաթեթի ծրագիրն ավարտվում է․ փոփոխություններ և նոր հնարավորություններ. ՈՒՂԻՂ
Կառավարվող ռումբերը Ռուսաստանի գլխավոր գործիքն են, Ուկրաինային դրանց դեմ միջոցներ են պետք․ Զելենսկի
Քաղաքականություն
23.05.2024 | 11:10
Ուկրաինայի նախագահ Վլադիմիր Զելենսկին հայտարարել է, որ Ուկրաինան, իսկապես, չունի ռուսական կառավարվող ռումբերին հակազդելու միջոցներ, որոնք, նրա խոսքով, ռուսների համար դարձել են ռազմաճակատում ճնշման հիմնական գործիքը։
Այդ մասին Զելենսկին ասել է չորեքշաբթի՝ խոսելով Ազգային անվտանգության և պաշտպանության խորհրդի քարտուղարի, գլխավոր շտաբի պետի և կառավարության անդամների հետ տեղի ունեցած հատուկ հանդիպման մասին, որի ժամանակ ռադիոէլեկտրոնային պայքարի համակարգերի, անօդաչու թռչող սարքերի, հրթիռների և կառավարվոող ավիառումբերի դեմ պայքարի միջոցների ներքին արտադրության հարցերն են քննարկվել։
«Եվ եթե մենք լավ միտումներ ենք տեսնում ռադիոէլեկտրոնային պայքարի միջոցների, անօդաչու սարքերի և հրթիռային ծրագրի վերաբերյալ, ապա դեռ շատ բան պետք է արվի ռուսական ռումբերին հակազդելու համար», – ասել է Զելենսկին տեսաուղերձում։
«Այսօր մանրամասները քննարկվել են։ Այլընտրանք չի կարող լինել։ Ուկրաինային անհրաժեշտ են այնպիսի համակարգեր և մարտավարություններ, որոնք հնարավորություն կտան պաշտպանել մեր դիրքերը, մեր քաղաքներն ու համայնքները այդ ռումբերից։ Սա այժմ ռուսական տեռորի և օկուպանտի առաջխաղացման հիմնական գործիքն է»,- նշել է Զելենսկին։
