17.02.2026 | 16:03
Վարչապետը շնորհավորական ուղերձներ է հղել Չինաստանի նախագահին և պետական խորհրդի նախագահին
Բլինքենը հայտարարել է, որ ԱՄՆ-ը դիտարկում է Հայաստանի խնդրանքների շարքը՝ աջակցությունն ավելի ամրապնդելու․ ՏԵՍԱՆՅՈՒԹ
Քաղաքականություն
23.05.2024 | 11:34
ԱՄՆ պետքարտուղար Էնթոնի Բլինքենը Ներկայացուցիչների պալատի արտաքին հարաբերությունների հանձնաժողովի լսումների ժամանակ անդրադարձել է Հայաստանին աջակցությանը՝ պատասխանելով կոնգրեսական Ջիմ Կոստայի՝ Երևանին լրացուցիչ օգնություն տրամադրելու մասին հարցին:
«Մենք վերանայում ենք Հայաստանի խնդրանքների շարքը՝ հասկանալու, թե ինչ կարող ենք անել մեր աջակցությունն ու համագործակցությունն ավելի ամրապնդելու Հայաստանի հետ»,- ասել է Բլինքենը։
Նա հիշեցրել է ապրիլի 5-ին Բրյուսելում ՀՀ վարչապետ Նիկոլ Փաշինյանի ու Եվրահանձնաժողովի նախագահ Ուրսուլա ֆոն դեր Լեյենի հետ հանդիպման մասին՝ ընդգծելով, որ դրա նպատակն էր հասկանալ, թե ինչ կարող են անել ԱՄՆ-ն ու ԵՄ-ն Հայաստանին աջակցելու համար։
«Եվ մենք առաջ կգնանք մի շարք ոլորտներում։ Մենք ցանկանում ենք համոզված լինել, որ կստանանք մարդկանց աջակցությունը Հայաստանում, այդ թվում՝ Լեռնային Ղարաբաղը լքածների»,- ասել է Բլինքենը։
Դիտարկմանը, որ Ադրբեջանը Հայաստանի հետ ձեռք բերված բազմաթիվ համաձայնություններ խախտել է, պետքարտուղարը պատասխանել է՝ լավագույնն այն առաջընթացն է, որ հիմա կա Հայաստանի ու Ադրբեջանի միջև խաղաղության համաձայնագրի բանակցություններում։ Նա ասել է, որ եթե այդ համաձայնագիրը կնքվի, օգուտներ կբերի և՛ Հայաստանին, և՛ Ադրբեջանին, և՛ ամբողջ տարածաշրջանին։
