20.04.2026 | 15:59
Ուկրաինան Ղրիմում հարվածել է ռուսական երկու խոշոր դեսանտային նավերի ու ռադիոտեղորոշիչ կայանի
Գործող իշխանությունը ստիպված է կրկնում նախորդ իշխանությունների կողմից ձեռնարկվող նախագծերն ու փոփոխությունները, և Սևանից հավելյալ ջրառի մասին նախագիծը դրա վառ ապացույցն է․ Արմեն Աշոտյան․ ՏԵՍԱՆՅՈՒԹ
Տնտեսություն
28.08.2018 | 13:26
Գործող իշխանությունը ստիպված է կրկնում նախորդ իշխանությունների կողմից ձեռնարկվող նախագծերն ու փոփոխությունները, թեև մինչ վարչապետի և Կառավարության պատասխանատվության ստանձնումը քննադատում էր, ուստի քաղաքական տեսակետից ակնհայտ է, որ ներկայիս իշխանությունների՝ նախորդները վատն են թեզը, չի դիմանում անգամ 100 օրվա քննադատությանը։
Այս մասին այսօր Ազգային ժողովում Սևանա լճից հավելյալ ջրառի վերաբերյալ օրենքի նախագծի քննարկման ժամանակ ասաց ԱԺ ՀՀԿ-ական պատգամավոր Արմեն Աշոտյանը՝ շեշտելով, որ խորհրդարանում հայտնված այսօրվա օրենքի նախագիծն ասվածի վառ ապացույցն է։
«Մեծ է գայթակղությունն ընթերցելու տարիներ շարունակ նույն Նիկոլ Փաշինյանի, Լենա Նազարյանի, Մանե Թանդիլյանի, Արտակ Զեյնալյանի կողմից արված մեջբերումները, և պետք չէ հիմա ասել, որ վերջապես մենք այսօր լսեցինք հիմնավորումներ»,- ասաց պատգամավորը՝ շեշտելով, որ իր համար բացարձակապես տպավորիչ և համոզիչ չէր Ջրային պետական կոմիտեի նախագահի բերած հիմնավորումը։
Վերջինս նկատեց, որ պետք չէ ասել, որ նոր իշխանություններն ավելի լավ են և խարազանել այն, ինչ արվել է մինչ նորերի գալը։ «Հատկապես, եթե 3-4 մետր բարձրացմանը մենք նախորդ 17 տարիներին հասել ենք, հատկապես, երբ ջրի որակը բարելավվել է, հատկապես, երբ ջրամբարաշինության և Արփա-Սևանի կառուցման համար պետական միջոցներ չեն խնայվել»,- ասաց պատգամավորը։
Մանրամասները՝ տեսանյութում։
