24.02.2026 | 11:10
ԱԺ Պետական-իրավական հարցերի մշտական հանձնաժողովի նիստը. ՈՒՂԻՂ
ՄԱԿ-ը դադարեցրել է սննդի բաշխումը Ռաֆահում
Քաղաքականություն
22.05.2024 | 13:39
Մերձավոր Արևելքում Պաղեստինի փախստականներին ՄԱԿ-ի օգնության և աշխատանքների գործակալությունը դադարեցրել է Ռաֆահում սննդամթերքի բաշխումը, գրում է DW-ի ռուսական ծառայությունը։
Սննդի բաշխումը ներկայում անհնար է մատակարարման սակավության և անապահովության պատճառով, իսկ բաշխման կետն ու սննդի պահեստը Ռաֆահում փակ են քաղաքի արևելյան հատվածում իսրայելական ռազմական գործողության պատճառով, ասվում է գործակալության հայտարարության մեջ, որը հրապարակվել է X-ում։
Մայիսի սկզբից իսրայելական բանակը, ի հեճուկս միջազգային հանրության նախազգուշացումների, նպատակաուղղված ցամաքային գործողություններ և օդային հարվածներ է հասցնում Ռաֆահի թիրախներին, որտեղ հայտնաբերվել են պաղեստինյան արմատական ՀԱՄԱՍ շարժման մնացած կազմավորումները։
Իսրայելի կողմից մայիսի 6-ին հայտարարված տարհանման մեկնարկից ի վեր Ռաֆահը, ՄԱԿ-ի տվյալներով, արդեն լքել է գրեթե 800 հազար մարդ։ Նրանք տեղափոխվել են Գազայի հատվածի ափ՝ իսրայելական զինվորականների կողմից «հումանիտար գոտի» հայտարարված Ալ-Մավազի ճամբար։
Մինչ իսրայելական հարձակման սկսվելը՝ Եգիպտոսի հետ սահմանի մոտ գտնվող Ռաֆահում մոտ 1,4 միլիոն մարդ կար, հիմնականում՝ փախստականներ, որոնք փախչում էին Գազայի հատվածի այլ շրջաններում մարտերից:
