01.11.2024 | 16:29
Բրնձի առանձին տեսակների նկատմամբ սահմանվել է սակագնային քվոտա
Իսպանիան և Իռլանդիան նույնպես հայտարարել են Պաղեստինը որպես պետություն ճանաչելու մասին
Քաղաքականություն
22.05.2024 | 14:38
Իսպանիան մայիսի 28-ին կճանաչի Պաղեստինի որպես պետություն։ Այս մասին հայտարարել է թագավորության վարչապետ Պեդրո Սանչեսը՝ ելույթ ունենալով Մադրիդում Իսպանիայի պատգամավորների կոնգրեսում (խորհրդարանի ստորին պալատ), փոխանցում է Cadena SER ռադիոկայանը։
«Հաջորդ երեքշաբթի՝ մայիսի 28-ին, Իսպանիան Նախարարների խորհրդում կհաստատի Պաղեստին պետության ճանաչումը»,- ասել է Սանչեսը։
Իռլանդիան ևս հայտարարել է, որ կճանաչի Պաղեստինը որպես անկախ պետություն։ Այս մասին Դուբլինում կայացած մամուլի ասուլիսում հայտարարել է Իռլանդիայի վարչապետ Սայմոն Հարիսը, որի ելույթը հեռարձակել է Sky News-ը։
«Քայլը, որը մենք այսօր արել ենք Նորվեգիայի և Իսպանիայի հետ միասին, ամրապնդում է [Պաղեստինի] պետականության օրինական իրավունքը»,- ասել է նա։
Ավելի վաղ Նորվեգիան հայտարարել էր, որ մայիսի 28-ին կճանաչի Պաղեստին պետությունը։
Նորվեգիան հայտարարել է Պաղեստինը որպես պետություն ճանաչելու մասին
Ի պատասխան՝ Իսրայելում հրահանգել են Իռլանդիայի և Նորվեգիայի դեսպաններին անհապաղ վերադառնալ՝ նշելով, որ նույնը կարվի Իսպանիայի պարագայում, գրում է NBC News-ը:
Ապրիլի վերջին ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը հայտարարել էր, որ Պաղեստինը մինչև մայիսի վերջ կճանաչվի ԵՄ մի քանի երկրների կողմից։ Ներկայում եվրոպական պետություններից Պաղեստինի անկախությունը ճանաչել են Բուլղարիան, Հունգարիան, Կիպրոսը, Մալթան, Լեհաստանը, Ռումինիան, Սլովակիան, Չեխիան և Շվեդիան։ Ընդհանուր առմամբ, Պաղեստինը որպես անկախ պետություն ճանաչել է ՄԱԿ-ի 193 երկրներից 143-ը։
