27.11.2024 | 09:46
Հրդեհ Բալահովիտ գյուղի մանկապարտեզում
Նորվեգիան հայտարարել է Պաղեստինը որպես պետություն ճանաչելու մասին
Քաղաքականություն
22.05.2024 | 11:54
Նորվեգիան հայտարարել է մայիսի 28-ից Պաղեստինը որպես պետություն ճանաչելու մասին։ Նորվեգիայի վարչապետ Յոնաս Գար Ստյորեն ասել է, որ իր երկիրը պաշտոնապես ճանաչում է Պաղեստինը, գրում է Euronews-ը։
«Մերձավոր Արևելքում խաղաղությունն անհնար է, քանի դեռ չկա ճանաչում»,- ասել է նա՝ հայտնելով, որ Օսլոն մայիսի 28-ից կճանաչի Պաղեստին պետությունը։
Վերջին շաբաթներին ԵՄ մի քանի երկրներ հայտարարել են, որ մտադիր են ճանաչել Պաղեստինը՝ պնդելով, որ երկու պետությունների լուծումն անհրաժեշտ է տարածաշրջանում կայուն խաղաղության համար։ Նորվեգիան, որը ԵՄ անդամ չէ, սակայն արտացոլում է նրա գործողությունները, Իսրայելի և Պաղեստինի միջև հակամարտությունը երկու պետությունների սկզբունքով լուծելու ամենավառ կողմնակիցն է:
Ավելի վաղ հաղորդվում էր, որ այսօր Պաղեստինի ճանաչման մասին հայտարարելու են նաև Իռլանդիան և Իսպանիան։ Նման մտադրությունների մասին հայտարարել են նաև Բելգիան և Մալթան։
Ապրիլի վերջին ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարել էր, որ Պաղեստինը մինչև մայիսի վերջ կճանաչեն ԵՄ մի շարք երկրներ։
