21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Ի՞նչ է հայտարարագրել ՀՀ Գլխավոր հարկադիր կատարողը
Քաղաքականություն
21.05.2024 | 16:07
Հայաստանի Գլխավոր հարկադիր կատարող Արսեն Մնացականյանը 2023 թ-ին ստացել է ընդհանուր 19․7 մլն դրամ եկամուտ։ Կոռուպցիայի կանխարգելման հանձնաժողով նրա ներկայացրած 2023 թ-ի գույքի և եկամուտների հայտարարագրից տեղեկանում ենք, որ պաշտոնյան Հարկադիր կատարումն ապահովող ծառայությունից ստացել է 13․2 մլն դրամ աշխատավարձ, «Պաշտոնական տեղեկագիր» ընկերությունից՝ 783 հազար դրամ աշխատավարձ, ՊԵԿ-ից՝ 3․8 մլն դրամ այլ եկամուտ և 1․9 մլն դրամ կենսաթոշակ։
Մնացականյանը հայտարարագրել է Երևանում 2022թ-ին նվեր ստացած բնակարան, Առինջում 2021 թ-ին գնված 2 հողամաս, 2 ավտոմեքենա՝ VOLKSWAGEN (1998 թ․ արտադրության, գնել է 2020-ին) և INFINITI (2001թ․ արտադրության, գնել է 2014 թ-ին):
Տարեվերջին Ա․ Մնացականյանի բանկային հաշիվներին եղել է ընդհանուր մոտ 2 մլն դրամ, իսկ կանխիկ ունեցել է 350 հազար դրամ։ Վարկի մայր մնացորդը կազմել է 38․1 մլն դրամ, որի մարմանը տարվա ընթացքում ուղղել է 6․9 մլն դրամ։
Գլխավոր հարկադիր կատարողի կինը՝ Լիլի Ենոքյանը, Երևանի պետական տեխնոլոգիական քոլեջի աշխատակից է, և 2023թ-ին ստացել է 1․4 մլն դրամ աշխատավարձ։ Նա նաև հայտարարագրել է 400 հազար դրամ վարկ «Հայէկոնոմբանկից»։
Գայանե Խաչատրյան
