16.03.2026 | 19:53
«10 տարի առաջ եմ դիմումը գրել»․ արքեպիսկոպոսը պնդում է՝ Գարեգին Բ-ն միայն հիմա է որոշել արձագանքել իր գրությանը
Թեհրանում կկայանա Ռոհանի-Էրդողան-Պուտին հանդիպումը
Քաղաքականություն
27.08.2018 | 22:41
Թուրքիայի նախագահ Ռեջեփ Թայիփ Էրդողանը Իրանում տեղի ունենալիք գագաթաժողովի համար սեպտեմբերի 7-ին մեկնելու է Թեհրան. փոխանցում է ermenihaber-ը:
Գագաթաժողովի շրջանակում Թուրքիայի նախագահը հանդիպում է ունենալու Ռուսաստանի նախագահ Վլադիմիր Պուտինի և Իրանի նախագահ Հասան Ռոհանիի հետ:
Ակնկալվում է, որ Թեհրանում գագաթաժողովի օրակարգում կլինի Աստանայի գործընթացը և սիրիական հարցի քաղաքական ճանապարհով լուծումը:
Հիշեցնենք, որ մինչ կայանալիք հանդիպումը, երեք ղեկավարների միջև հանդիպում է տեղի ունեցել Ռուսաստանի Սոչի քաղաքում և Ստամբուլում: Հանդիպումների ընթացքում քննարկվել են սիրիական ճգնաժամի լուծման ուղիները:
