23.02.2026 | 16:06
25 տարի հետո կատաստրոֆա է լինելու, պետք է մեր վերաբերմունքը փոխենք ջրի նկատմամբ․ Փաշինյան․ ՏԵՍԱՆՅՈՒԹ
Բռնապետը հերթական անգամ խարխլում է ՀՀ-ի հետ հարաբերությունները․ Սվետլանա Տիխանովսկայան՝ Արցախ Լուկաշենկոյի այցի մասին
Քաղաքականություն
17.05.2024 | 18:22
Բելառուսի ընդդիմության առաջնորդ Սվետլանա Տիխանովսկայան անդրադարձել է երկրի ղեկավար Ալեքսանդր Լուկաշենկոյի՝ Արցախի բնակավայրեր կատարած այցին։
«Ճակատագրի հեգնանքով Բելառուսի բռնապետը հերթական անգամ խարխլում է Հայաստանի՝ ՀԱՊԿ-ում իր դաշնակցի հետ հարաբերությունները և թռչում է օգնելու Ադրբեջանին Ղարաբաղում։ Սա ցույց է տալիս Ռուսաստանի «ռազմական դաշինքների» թուլությունը և Լուկաշենկոյի սեփական կեղծավորությունը: Հանցավոր ռեժիմն ամեն գնով մտածում է միայն իր գոյատևման մասին»,- գրել է Տիխանովսկայան X-ում։
Հիշեցնենք, որ Բելառուսի նախագահ Ալեքսանդր Լուկաշենկոն այսօր Ադրբեջանի նախագահ Իլհամ Ալիևի հետ շրջայց է կատարել Արցախի բնակավայրերում։ Նրանք այցելել են Վարանդա, ինչպես նաև հայաթափված Շուշի քաղաք։
