01.11.2024 | 14:02
Կոբախիձեն կարծում է, որ ընդդիմությունը ստիպված կլինի աշխատել նոր գումարման խորհրդարանում
Կիրանցում գյուղացիները դարձյալ ճանապարհ են փակել, դժգոհ են սահմանազատման արդյունքներից
16.05.2024 | 18:03
Կիրանցում այս պահին լարված իրավիճակ է․ գյուղի մի խումբ բնակիչներ դարձյալ փակել են Հայաստան-Վրաստան միջպետական ճանապարհը, հանդիպում են պահանջում ՀՀ մարդու իրավունքների պաշտպան Անահիտ Մանասյանի և մարզպետ Հայկ Ղալումյանի հետ։ Ոստիկանության Տավուշի մարզային վարչության պետ Արթուր Մկրտչյանը գյուղացիներին հորդորել է բացել ճանապարհը՝ նշելով, որ մարզպետը պատրաստ է հանդիպել։ Կիրանցեցիները, սակայն, չեն համաձայնում, քանի որ Վահե Ղալումյանը ցանկանում է հանդիպել առանց լրատվամիջոցների ներկայության։
Գյուղացիները դժգոհում են երեկ Հայաստանի և Ադրբեջանի սահմանազատման և սահմանային անվտանգության հարցերով հանձնաժողովների հանդիպման արդյունքում ստորագրված արձանագրությունից։
25 հեկտար հողերը կվերադարձվեն Կիրանցին, ճանապարհի տեղափոխման խնդիր կա. վարչապետի աշխատակազմ
«Մենք որդեգրել ենք սկզբունք, որ սահմանն անցնում է այնտեղով, որտեղով անցնում է»,- կառավարության այսօրվա նիստի ժամանակ հայտարարել է Նիկոլ Փաշինյանը՝ նկատի ունենալով Խորհրդային միության օրոք հաստատված սահմանները։ Ըստ նրա՝ այս սկզբունքը գործուն է Հայաստանի և Ադրբեջանի միջև սահմանի բոլոր հատվածների համար:
Փաշինյանը նշել է նաև, որ Բաղանիս-Ոսկեպար գյուղերի հատվածներում հնարավոր էին խնդիրներ, բայց պարզվել է, որ խնդիր չկա․ «Այլևս խնդիրներ չկան, թե՛ եկեղեցու, թե՛ Բաղանիս-Ոսկեպար հին ճանապարհի հարցում»։
Կառավարության նիստի ընթացքում էլ Կառավարության շենքի դիմաց ակցիա էին իրականացնում «Տավուշը հանուն հայրենիքի» շարժման աջակիցները։ Նրանք նշում էին, որ այս գործընթացն ապօրինի է։
Անի Թամրազյան
