05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Շաբաթը մեկ անգամ ընտանիքի հետ է խոսում, տխուր վիճակ է․ Նուբար Աֆեյանը՝ Ռուբեն Վարդանյանի մասին․ ՏԵՍԱՆՅՈՒԹ
Հասարակություն
14.05.2024 | 17:50
«Ես անձամբ իր հետ չեմ խոսել, ինքն ամեն շաբաթ մեկ անգամ ընտանիքի հետ է խոսում, բայց Ռուբենի վիճակը տխուր ու դժվար է»,- Factor TV-ի հետ զրույցում Բաքվի բանտում գտնվող Արցախի նախկին պետնախարար Ռուբեն Վարդանյանի մասին ասում է «Ավրորա» մարդասիրական նախաձեռնության համահիմնադիր Նուբար Աֆեյանը։ Ռուբեն Վարդանյանի ընտանիքը ապրիլի 19 հայտարարել էր, որ Ռուբեն Վարդանյանը ապրիլի 5-ից հացադուլի մեջ է։ Նա պահանջում էր անհապաղ և անվերապահորեն ազատ արձակել իրեն և Բաքվում ապօրինաբար պահվող մյուս հայ բանտարկյալներին։
CNN-ի հետ զրույցում Վարդանյանի որդին` Դավիթ Վարդանյանն ասել էր, որ հացադուլից հետո հոր անազատության պայմաններն ավելի են խստացվել. նա ընտանիքին տեղեկացրել էր, որ մեկուսացման խցում է։ 21-օրյա հացադուլից հետ Վարդանյանը համաձայնել է դադարեցնել այն և հեռախոսազրույց էր ունեցել ընտանիքի հետ։
Արցախի նախկին պետնախարարն Ադրբեջանի սահմանապահների կողմից առևանգվել էր Հակարիի կամրջի անցակետում։ Բաքուն Վարդանյանին մեղադրում է «ահաբեկչության ֆինանսավորման, ապօրինի զինված խմբավորումներ ստեղծելու և Ադրբեջանի սահմանն ապօրինի հատելու հոդվածներով»։
Մանրամասները ՝ տեսանյութում։
Անի Թամրազյան
