07.10.2026 | 16:30
ԱԺ-Կառավարություն հարցուպատասխանը՝ ՈՒՂԻՂ
Իսպանիայում առնետի հեպատիտի վիրուսի տասնյակ դեպքեր են հայտնաբերվել
Քաղաքականություն
13.05.2024 | 19:22
Իսպանացի հետազոտողները հայտնաբերել են նոր և առեղծվածային հիվանդության՝ առնետների հեպատիտ E վիրուսի (Rocahepevirus ratti) տասնյակ դեպքեր: Այս մասին հայտնում է El Pais թերթը։
Այս վիրուսն առաջին անգամ հայտնաբերվել է Գերմանիայում 2010 թվականին։ Ենթադրվում էր, որ մարդը չի կարող վարակվել դրանով, սակայն 2018 թվականին Հոնկոնգում հայտնաբերվել է մարդու վարակման առաջին դեպքը։
«Մենք հայտնաբերեցինք 40 դեպք՝ վերլուծելով 10 հիվանդանոցներից սուր անհասկանալի հեպատիտով 250 հիվանդների նմուշները, ինչը մատնանշում է այս խմբում 14 տոկոսի տարածվածությունը: Դրանք թույլ իմունիտետով հիվանդներ են»,- ասել է Կորդոբայի Մայմոնիդսի կենսաբժշկական հետազոտությունների ինստիտուտի հեպատոլոգ Ռիվերո Խուարեսը:
Նրա խոսքով՝ քաղաքային առնետների մոտ 30 տոկոսը վիրուսի կրողներ են։ Հստակ հայտնի չէ, թե ինչպես է վիրուսը փոխանցվում մարդկանց, սակայն կա երկու վարկած։ Առաջին վարկածի համաձայն՝ կենդանիները վիրուսը տարածում են կղանքի, ամենայն հավանականությամբ, նաև մեզի միջոցով՝ աղտոտելով սնունդը, ջուրը, մակերևույթները, որոնց հետ շփվում են մարդիկ: Երկրորդ վարկածի համաձայն՝ կա մեկ այլ կենդանատեսակ, որը գործում է որպես ասիմպտոմատիկ միջանկյալ վիրուսակիր։
Մասնագետները նշում են, որ հիմքեր չկան ենթադրելու, որ այլ երկրներում վիրուսի առկայությունն ու առնետների մոտ հեպատիտի դեպքերն ավելի քիչ են տարածված։
