08.09.2026 | 13:18
Քոչարյանի հետ կապվող բրենդային խանութում 9,46 մլրդ դրամի թաքցված շրջանառություն է բացահայտվել․ ՊԵԿ․ ՏԵՍԱՆՅՈՒԹ
Բագրատ Գալստանյանը պատժելո՞ւ է Մարտի 1-ի հանցագործներին, Երևան բանակ բերողներին․ հայրենիքը փրկողը պիտի պատասխանի․ Լևոն Բարսեղյան․ ՏԵՍԱՆՅՈՒԹ
Քաղաքականություն
10.05.2024 | 20:30
Ո՞րն է Ժուռնալիստների «Ասպարեզ» ակումբի խորհրդի նախագահ Լևոն Բարսեղյանի գնահատականը Տավուշի թեմի առաջնորդ Բագրատ արքեպիսկոպոս Գալստանյանի և նրա ընդդիմադիր աջակիցների ՝ վարչապետի հրաժարականի պահանջի վերաբերյալ։ Ի՞նչ է սա նշանակում քաղաքական իմաստով։ Factor TV-ի հետ հարցազրույցում նա ասում է, որ Բագրատ արքեպիսկոպոս Գալստանյանի նախաձեռնությունը Կիրանցում տեղացիների հետ ինքնաբուխ էր, և հետո որոշեց երթով շարժվել Երևան․
«Մարդիկ կան, որ հակված են մտածել, թե սա նախապես ծրագրված էր։ Ես այդպես չեմ կարծում։ Բայց այս ընթացքում ինչ-ինչ կեղծ քաղաքական ուժեր կփորձեն այս շարժումից օգուտներ քաղել։ Ահագին տարբեր խմբեր կան, որոնք, դժգոհ լինելով իշխանությունից, բոլոր առիթներն օգտագործելու են իշխանափոխության սկիզբ դնելու համար։ Քաղաքական իմաստով դա նորմալ է, քանի դեռ չկա քրեական որևէ հանցագործություն»,- նշեց Բարսեղյանը։
Ժուռնալիստների «Ասպարեզ» ակումբի խորհրդի նախագահը ասում է՝ մարդիկ զարմացած են՝ տեսնելով եկեղեցականների ըմբոստացումը՝ հատկապես, երբ նրանք չէին ընկնում Ռոբերտ Քոչարյանի և Սերժ Սարգսյանի իշխանությունների «այլանդակությունների» դեմ ընդվզումներով։
Ըստ Բարսեղյանի՝ «հայրենիքը փրկելու» հայտ ներկայացնող Բագրատ Գալստանյանը պետք է բազում հարցերի պատասխանի, օրինակ՝ պատժելո՞ւ է Մարտի 1-ի հանցագործության հեղինակներին, Երևան տանկեր մտցնողներին, Ռոբերտ Քոչարյանին՝ Գույք պարտքի դիմաց գործարքի համար, Սերժ Սարգսյանին՝ ՌԴ-ի հետ գազային «ստրկացուցիչ» պայմանագրի համար, կատարելո՞ւ է անցումային արդարադատություն և ապօրինի գույքի բռնագանձում։ Բարսեղյանը ուզում է նաև իմանալ՝ ինչպե՞ս է Բագրատ արքեպիսկոպոս Գալստանյանը հասնելու արցախցիների՝ Արցախ վերադարձին։ Բարսեղյանը հակված է այն տեսակետին, որ այս ցույցերը մարման են գնալու և իշխանափոխության պոտենցիալ չունեն։
Հարցազրույցն ամբողջությամբ՝ տեսանյութում։
Ռոբերտ Անանյան
