17.02.2026 | 11:08
Հայ Ազգային Կոնգրեսն իր անվերապահ աջակցությունն է հայտնում Հայ Առաքելական եկեղեցուն
Ռուս սահմանապահները դուրս կգան Տավուշից, Սյունիքից, Վայոց ձորից, Գեղարքունիքից և Արարատից․ Կոնջորյան
Քաղաքականություն
09.05.2024 | 12:07
«Համաձայն ձեռք բերված պայմանավորվածության, 44-օրյա պատերազմի ընթացքում և դրանից հետո Տավուշի, Սյունիքի, Վայոց ձորի, Գեղարքունիքի, Արարատի մարզերում տեղակայված ռուս սահմանապահ և զինվորական կետերը կդադարեցնեն իրենց տեղակայումը և դուրս կգան այդ կետերից»,- այս մասին ֆեյսբուքյան էջում գրել է ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը։
«Բարձրագույն մակարդակում հաստատվել է նաև «Զվարթնոց» օդանավակայանում ՌԴ սահմանապահների գործունեությունը դադարեցնելու որոշումը»,- նշել է Կոնջորյանը։
Հիշեցնենք, որ երեկ Մոսկվայում կայացած ԵԱՏՄ գագաթնաժողովից հետո, տեղի է ունեցել ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի հանդիպումը: Հանդիպման ընթացքում Պուտինը նշել է, որ «երկկողմ հարաբերությունները հաջող են զարգանում», Փաշինյանն էլ ասել է, որ «կուտակվել են հարցեր, որոնք պետք է քննարկել»:
Ավելի վաղ Նիկոլ Փաշինյանը հայտարարել էր, որ օգոստոսի 1-ից «Զվարթնոց» օդանավակայանում սահմանային հսկողությունն ամբողջությամբ կանցնի հայկական սահմանապահ զորքերի տնօրինությանը։ Հայաստանի վարչապետ Նիկոլ Փաշինյանը մարտի 12-ի ասուլիսին հայտարարեց, որ Հայաստանը տեղեկացրել է ռուսական կողմին «Զվարթնոց» օդանավակայանում առանց ռուս սահմանապահների աջակցության հսկողություն իրականացնելու Երևանի որոշման մասին։
Անի Թամրազյան
