11.08.2026 | 14:03
Փաշինյանն ընդունել է ՀՀ–ում հավատարմագրված արաբական պետությունների դեսպաններին
Մենք փակել ենք դուռը՝ անտեսելով մեր և Իսրայելի միջև 9,5 միլիարդ դոլարի առևտրի ծավալը. Էրդողան
Քաղաքականություն
03.05.2024 | 23:00
Թուրքիայի նախագահ Ռեջեփ Թայիփ Էրդողանn անդրադարձել է Իսրայելի հետ առևտուրը դադարեցնելուն։
«Ոչ մի ընդունելի բան չկա Իսրայելի և Պաղեստինի միջև տեղի ունեցող զարգացումների մեջ: Իսրայելը մինչ այժմ դաժանորեն սպանել է 40-45,000 պաղեստինցիների: Որպես մահմեդականներ՝ մեզ համար անհնար է կանգնել և կողքից հետևել դրան»,-ասել է Էրդողանը։
Նա նշել է, որ ավելի վաղ Իսրայելի վարչապետ Բենիամին Նեթանյահուի հետ ԱՄՆ-ում հանդիպումն անսպասելի չի եղել։
«Ես դա արեցի՝ ցույց տալու համար, որ Թուրքիայի և Իսրայելի միջև կարող են որոշ քայլեր ձեռնարկվել։ Բայց Նեթանյահուն անխիղճ է և, ցավոք, անողոքություն դրսևորեց այս երեխաների, կանանց և ծերերի նկատմամբ։ Նա ռեսուրսներ չունի։ Ամբողջ Արևմուտքն աշխատում է Իսրայելի համար։ Նրանք, հատկապես՝ Ամերիկան, միշտ աշխատում են Իսրայելի համար։ Այս բոլոր ռեսուրսները մոբիլիզացնելով, ցավոք, Պաղեստինի աղքատ և ընչազուրկ ժողովուրդը մահապատժի դատապարտվեց Իսրայելի ռումբերի դիմաց: Մենք այլևս չէինք կարող համբերել։ Մենք մեր քայլերն արել ենք։ Մեր միջև առևտրի ծավալը կազմել է 9,5 միլիարդ դոլար։ Մենք փակեցինք այս դուռը»,- ասել է Էրդողանը։
Հավելենք, որ Թուրքիայի Առևտրի նախարարությունը հայտնել է նախօրեից Իսրայել բոլոր արտահանումներն ու ներմուծումները դադարեցնելու մասին։
