11.08.2026 | 13:12
24 ժամ ջուր չի լինի Երևանի և Կոտայքի մարզի մի շարք հասցեներում
Թուրքիան հայտարարել է, որ Իսրայելի հետ առևտուրն ամբողջությամբ դադարեցրել է
Քաղաքականություն
03.05.2024 | 12:36
Թուրքիան նախօրեից դադարեցրել է բոլոր արտահանումները և ներմուծումները Իսրայել։ Այս մասին ասվում է Թուրքիայի Aռևտրի նախարարության հայտարարության մեջ, որում որպես պատճառ նշվում է Գազայում «մարդասիրական իրավիճակի վատթարացումը», գրում է Times օf Israel-ը։
«Իսրայելի հետ կապված արտահանման և ներմուծման գործարքները դադարեցվել են՝ ընդգրկելով բոլոր ապրանքները։ Թուրքիան խստորեն և վճռականորեն կիրականացնի այս նոր միջոցները, քանի դեռ Իսրայելի կառավարությունը թույլ չի տալիս մարդասիրական օգնության անխափան և բավարար հոսք դեպի Գազա»,- ասվում է հայտարարության մեջ։
Նախօրեին Bloomberg գործակալությունը, թուրք երկու պաշտոնյաների վկայակոչելով, հայտնել էր, որ Թուրքիան հինգշաբթի օրվանից դադարեցրել է Իսրայելի հետ ամբողջ արտահանումն ու ներմուծումը։
Իսրայելի արտաքին գործերի նախարար Իսրայել Կացն էլ ասել է, որ Անկարան սկսել է արգելափակել իսրայելական ներմուծումն ու արտահանումը թուրքական նավահանգիստներից։
«Այսպես է իրեն պահում բռնապետը՝ արհամարհելով թուրք ժողովրդի և գործարարների շահերն ու անտեսելով միջազգային առևտրային համաձայնագրերը»,- գրել է Կացը X-ում։
Նա հավելել է, որ Իսրայելի ԱԳՆ-ին հանձնարարել է հետամուտ լինել առևտրի այլընտրանքներին՝ կենտրոնանալով «տեղական արտադրության և այլ երկրներից ներմուծման վրա»:
