05.08.2026 | 22:03
Microsoft-ը հայտնել է ռուս հաքերների լայնածավալ արշավի մասին՝ ուղղված ամբողջ աշխարհի հյուրանոցների Wi-Fi ցանցերի դեմ
Տարեսկզբից հարուցվել է 20 վարչական վարույթ․ աղմուկի որ տեսակից են հիմնականում բողոքում քաղաքացիները
Տեսանյութեր
29.04.2024 | 14:31
Բնակիչների բողոքների հիման վրա այս տարվա ընթացքում ՀՀ առողջապահության և աշխատանքի տեսչական մարմինը կողմից իրականացվել է 20 վարչական վարույթ։ Դրանցից 3 եղել են շինարարական, 4 բարձր երաժշտության և 13-ը այլ (տրանսֆորմատորային ենթակայան, օդորակիչ, չիլլեր) հետևանքով առաջացող աղմուկի հետ կապված։ Այս մասին Factor.am-ի հարցմանն ի պատասխան հայտնում է ՀՀ առողջապահության և աշխատանքի տեսչական մարմինը։
Տեսչական մարմինը փոխանցում է, որ բողոքները հիմնականում վերաբերում են բարձր երաժշտությանը և շինարարական աշխատանքների ընթացքում առաջացող աղմուկին։
«Վարչական իրավախախտումների վերաբերյալ» ՀՀ օրենսգրքի 42-րդ հոդվածի համաձայն՝ սանիտարական, սանիտարահիգիենիկ կանոնները և նորմաները, հիգիենիկ նորմատիվները խախտելն առաջացնում է տուգանքի նշանակում՝ քաղաքացիների նկատմամբ սահմանված նվազագույն աշխատավարձի տասնապատիկից մինչև հիսնապատիկի չափով, պաշտոնատար անձանցն կատմամբ՝ քառասնապատիկից մինչև երկուհարյուրապատիկի չափով։
Վարչական վարույթի շրջանակներում գործիքային չափումներ իրականացնելու իրավասություն ունեցող կազմակերպության կողմից պայմանագրային հիմունքներով իրականացվում են համապատասխան չափումները և տրվում են եզրակացություններ։ Խախտումների արձանագրման դեպքում՝ խախտումներ թույլ տված կազմակերպության ղեկավարին տրվում է կարգադրագիր և ժամկետ խախտումների վերացման նպատակով։
Տեսչական մարմինը նաև հայտնում է՝ իր լիազորությունների շրջանակում վերահսկողություն իրականացնում է ստուգումների և վարչական վարույթների միջոցով, սակայն չի կարող առանց որևէ հիմքի իր նախաձեռնությամբ իրականացնել աղմուկի մակարդակի չափում։
Անի Թամրազյան
