24.11.2024 | 10:01
Փակ է «Ամբերդ» կայանից դեպի Քարի լիճ տանող ավտոճանապարհը
Նուբարաշենցիների որոշ մասն իր առաջ այլ խնդիր է դրել․ պաշտոնյան՝ կազմակերպված բողոքի ակցիայի մասին
Հասարակություն
24.08.2018 | 11:44
Նուբարաշեն վարչական շրջանի բնակիչներն արդեն երկու օր է՝ բողոքի ակցիա են իրականացնում, փակում են մայրուղին՝ պահանջելով լուծել Նուբարաշենի աղբանոցի խնդիրը։ Բողոքի ակցիայի մասնակցիներն այսօր հասել են նաև Երևանի քաղաքապետարան՝ փորձելով խնդրի վերաբերյալ լուծումներ ստանալ քաղաքապետարանից։
Factor.am-ի հետ զրույցում Նուբարաշենի թաղապետարանի կումունալ վարչության պետ Սամվել Յահյանը նշեց, որ Նուբարաշենի թաղապետը և աշխատակազմի ներկայացուցիչները հանդիպել են մայրուղին փակած նուբարաշենցիների հետ։
«Հանդիպել ենք նրանց հետ, հորդորել ենք նրանց բացել ճանապարհը և խոստացել ենք, որ երկու ամսվա ընթացքում խնդրին կտրվի սպառիչ լուծում։ Արդեն կա հաստատված ծրագիր, ֆինանսավորում, որի շնորհիվ էլ այս աղբանոցի փոխարեն կառուցվելու է աղբի վերամշակման գործարան»,-ասաց նա։
Պաշտոնյան մեզ հետ զրույցում անհնար համարեց բողոքի ակցիայի մասնակիցների՝ աղբանոցը հողով ծածկելու պահանջը, քանի որ այն գործնականում անհնար է․
«Բողոքի ակցիա իրականացնող քաղաքացիներին նաև դա ենք բացատրել, նշել ենք, որ Համաշխարհային բանկի և Երևանի քաղաքապետրանի ֆինանսական աջակցությամբ երկու ամիս անց կկառուցվի աղբի վերամշակման գործարան,և ինձ համար հիմա անհասականալի է՝ թե ինչու են նրանք այսօր հասել քաղաքապետարան»։
Դիտարկմանը՝ գուցե քաղաքացիներն արդեն չեն հավատում տրված խոստումներին՝ Նուբարաշենի թաղապետարանի կումունալ վարչության պետը պատասխանեց․
«Հավատալը հավատում են, իրենք լավ գիտեն՝ մեր վարչական շրջանի ղեկավարի վերաբերմունքն այս հարցին։ Գիտեն, որ սա խոստում չէ, ընդամենը, երկու ամիս է հարկավոր, որպեսզի փաստաթղթերի հետ կապված հարցերը կարգավորվեն։ Մեզ հավատացել են, պարզապես, նուբարաշենցիների որոշ մասն իր առաջ այլ խնդիր է դրել․ դա իմ անձնական դիրքոշումն է, որի վերաբերյալ կհրաժարվեմ մանրամասներ հայտնել»։
Աղավնի Սուքիասյան
