18.05.2024 | 20:00
Ճանապարհից հետ է ընկել․ օրեր անց փրկարարները գտել են սպանված. ՏԵՍԱՆՅՈՒԹ
Ալիևը Ղրղզստանի նախագահի հետ շրջայց է կատարում Արցախում
Քաղաքականություն
25.04.2024 | 14:52
Պետական այցով Ադրբեջանում գտնվող Ղրղզստանի նախագահ Սադիր Ժապարովն այսօր այցելել է գրավյալ Արցախ։ Ադրբեջանական լրատվամիջոցների փոխանցմամբ՝ Ժապարովը ժամանել է Վարանդա, որտեղ նրան դիմավորել է Ադրբեջանի նախագահ Իլհամ Ալիևը։ Նրանք տեղում ծանոթացել են քաղաքի գլխավոր հատակագծին, այնուհետև այցելել Ակնա։
Երկու բնակավայրերում Ալիևն ու Ժապարովը ծանոթացել են շինարարական աշխատանքներին, նաև մասնակցել մզկիթի վերաբացման արարողության։
Ի դեպ, Ղրղզստանը նախատեսում է Ակնայի շրջանում միջնակարգ դպրոց կառուցել։
Հիշեցնենք՝ 2023 թվականի օգոստոսին Վարանդայում բացվել էր Ուզբեկստանի նախաձեռնությամբ կառուցված դպրոցը։ Արարողությանը մասնակցել էր նաև Ուզբեկստանի նախագահ Շևքաթ Միրզիոևը։ Մարտի սկզբին էլ էթնիկ զտման ենթարկված Արցախ էր այցելել Ղազախստանի նախագահ Կասիմ Ժոմարտ-Տոկաևը և մասնակցել Վարանդայում ղազախական կողմի ներդրումներով կառուցված մանկական ստեղծագործական կենտրոնի բացման արարողությանը։
