24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Ռուսաստանը հարվածներ է հասցրել Չերկասի և Դնեպրոպետրովսկի շրջաններին
Քաղաքականություն
25.04.2024 | 14:07
Գիշերը ռուսական զորքերը հրթիռակոծել են Չերկասի և Դնեպրոպետրովսկի շրջանները։ Չերկասի շրջանում վեց մարդ վիրավորվել է, հարձակման հետևանքով ենթակառուցվածքային օբյեկտ է վնասվել, հայտնել է շրջանի վարչակազմի ղեկավար Իգոր Տաբուրեցը, փոխանցում է BBC-ի ռուսական ծառայությունը։
Դնեպրոպետրովսկի շրջանային վարչակազմի ղեկավար Սերգեյ Լիսակի խոսքով էլ՝ հրետանային կրակի են ենթարկվել Նիկոպոլ, Մանգանեց և Կրասնոգրիգորևսկ համայնքները։ Ըստ նախնական տեղեկությունների՝ զոհեր և վիրավորներ չկան։
Պոլտավայի և Սումիի շրջաններում հրթիռային սպառնալիքի մասին գիշերը հայտնել են նաև Ուկրաինայի զինված ուժերի ռազմաօդային ուժերը։
