07.10.2026 | 20:18
Ավինյանի խոստումից 4 ամիս անց․ ինչու է դադարել Արին Բերդի փողոցի 1 մլրդ դրամանոց հիմնանորոգումը. ՏԵՍԱՆՅՈՒԹ
«Մոռացված հայրենիք»․ վավերագրական ֆիլմ՝ Արցախից արմատախիլ արված փախստականների մասին
Մշակույթ
24.04.2024 | 15:42
Ապրիլի 25-ին, ժամը՝ 19։00-ին, Ժողովրդական արվեստների թանգարանում տեղի կունենա Իսսամ Նագիի «Մոռացված հայրենիք» վավերագրական ֆիլմի ցուցադրությունը։
Նագիի փաստավավերագրական ֆիլմը պատմում է Արցախյան 44-օրյա պատերազմի, Հայաստանի և Ադրբեջանի սահմանային կյանքի, Արցախի փախստականների մասին, որոնք այժմ բնակվում են Սյունիքում:
Ֆիլմում պատկերված է հայ մայրերի, դուստրերի, քույրերի կյանքը, որը ցույց է տալիս նրանց հավատը, տոկունությունը, հույսերն ու երազանքները՝ միահյուսված հայոց պատմությանը:
«Մոռացված հայրենիք» ֆիլմի նկարահանումները սկսվել են 2020 թվականի պատերազմից մեկ տարի անց՝ Սյունիքի մարզի Գորիս քաղաքում։
Ֆիլմի պրեմիերան կայացել է Երևանի «Ոսկե ծիրան» միջազգային կինոփառատոնում, այնուհետ ցուցադրվել Եգիպտոսում, Լիբանանում, ԱՄՆ-ում, ԱՄԷ-ում, Ֆրանսիայում, Բելգիայում, Նիդեռլանդներում և այլն։
Ֆիլմի ցուցադրությունից հետո կլինի քննարկում ռեժիսոր Իսսամ Նագիի հետ։
Իսսամ Նագին վավերագրական կինոռեժիսոր է, պրոդյուսեր և ռեժիսոր։ Նա նկարահանել և վավերագրական ֆիլմեր է արտադրել բազմաթիվ երկրներում, այդ թվում՝ Իրաքում, Բրազիլիայում, Հարավային Աֆրիկայում, Ռուանդայում, Հայաստանում, Ուգանդայում և այլն: Ռեժիսորը սկսել է արվեստի արտադրության նախաձեռնությունը «Firsttree.art», որը խթանում և արտադրում է արվեստի նախագծեր «MENA»-ում:
