18.05.2024 | 22:23
Աշխաբադում բացվել է Սայաթ-Նովայի արձանը
Հրթիռային հարձակումից հետո Օդեսայի մի մասը հոսանքազրկվել է
Քաղաքականություն
24.04.2024 | 13:29
Ռուսաստանը Ղրիմից և Սև ծովից հրթիռային հարված է հասցնում Օդեսային։ Տեղի Telegram-ալիքները հայտնում են քաղաքում մի քանի պայթյունների մասին։ Պայթյունի վայրից բարձրացող ծխի հսկայական սյունի տեսանյութեր են հրապարակվում։
Հաղորդվում է նաև հրթիռային հարձակումից հետո քաղաքի մի մասում էլեկտրաէներգիայի անջատումների մասին։
Ուկրաինայի ռազմաօդային ուժերը հայտարարել են հրթիռային սպառնալիքի մասին, օդային տագնապ է հայտարարվել երկրի հարավային և կենտրոնական յոթ շրջաններում։
Նախնական տվյալներով՝ ռուսական բանակը հարված է հասցրել երկու թևավոր հրթիռներով, փոխանցում է BBC-ի ռուսական ծառայությունը։
Ուկրաինայի հարավում, կենտրոնում և արևմուտքում գտնվող մի քանի շրջաններում դեռևս ուժի մեջ է օդային հարձակումների մասին ահազանգը, թեև նոր հրթիռների մասին տեղեկություններ չկան։
