01.05.2026 | 10:00
Մայիսի 2-ից 5-ը Երևանում որոշ փողոցներ փակ կլինեն
Էրդողանը 13 տարվա մեջ առաջին անգամ պաշտոնական այցով մեկնել է Իրաք
Քաղաքականություն
22.04.2024 | 14:47
Մարտի 31-ին Թուրքիայում տեղի ունեցած ՏԻՄ ընտրություններից հետո երկրի նախագահ Ռեջեփ Թայիփ Էրդողանը սկսում է արտսահմանյան ուղևորությունները։ Թուրքական լրատվամիջոցների հաղորդմամբ՝ Էրդողանը 13 տարվա մեջ առաջին պաշտոնական այցով մեկնել է Իրաք։
Բաղդադ կատարած պաշտոնական այցի ընթացքում Էրդողանը նախ կհանդիպի Իրաքի նախագահ Աբդուլլաթիֆ Ռաշիդի և վարչապետ Մուհամեդ Շիյա ալ-Սուդանիի հետ։ Թուրքիայի նախագահը կայցելի նաև Էրբիլ։
Այցի օրակարգի ամենակարևոր կետերն են՝ ահաբեկչության դեմ պայքարը, ջրային ռեսուրսների օգտագործումը, բնական գազի և նավթի մատակարարումը Թուրքիա, Զարգացման ճանապարհի նախագիծը։
Ավելի վաղ Թուրքիայի ԱԳ նախարար Հաքան Ֆիդանը հայտնել էր, որ կողմերը նախնական համաձայնեցրել են ավելի քան 20 համաձայնագիր, որոնք կնքվելու են Էրդողանի այցի ընթացքում։
