17.05.2024 | 14:12
Ադրբեջանի ԱԳՆ-ն ներողություն է պահանջում Ֆրանսիայից
Ռուսաստանի մի շարք մարզերում Հաղթանակի օրվա շքերթները չեղարկվել են
Քաղաքականություն
19.04.2024 | 16:54
Ռուսաստանի մի շարք շրջաններում, ինչպես նաև բռնակցված Ղրիմում այս տարվա մայիսի 9-ին Հաղթանակի օրվա կապակցությամբ շքերթ կամ «Անմահների գնդի» երթ անցկացնել չի նախատեսվում։ Մեկնաբանելով Ղրիմի հետ կապված այս որոշումը՝ թերակղզու «նահանգապետ» Սերգեյ Աքսյոնովն ասել է, որ դա կապված է «անվտանգության ապահովման հետ», գրում է DW-ի ռուսական ծառայությունը։
Նախօրեին Կուրսկի շրջանի նահանգապետ Ռոման Ստարովոյտը Telegram-ում գրել էր, որ Հաղթանակի օրը Կուրսկում և շրջանի մունիցիպալիտետներում շքերթ, «Անմահների գնդի» երթ և այլ զանգվածային միջոցառումներ չեն լինի։
«Հաղթանակի օրվա պատվին մենք կկազմակերպենք առցանց հիշատակի միջոցառումներ, Կուրսկի բնակիչներին կառաջարկենք մարտնչած իրենց հարազատների լուսանկարները փակցնել իրենց տների պատուհաններին և մեքենաների ապակիներին»,- գրել է նա Telegram-ում:
Բրյանսկի մարզում նույնպես, ըստ տեղական Bryansk News-ի, Հաղթանակի օրվա շքերթ տեղի չի ունենա։ Ըստ պաշտոնյաների՝ դա պայմանավորված է ահաբեկչական վտանգի բարձր մակարդակով։ «Անմահների գնդի» շքերթը մարզում կանցկացվի առցանց։
Mash Telegram-ալիքի փոխանցմամբ՝ շքերթներից հրաժարվել են նաև Ռուսաստանի Դաշնության Բելգորոդի, Ռյազանի և Պսկովի մարզերում։
