15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
ԱՄՆ-ը վետո է դրել Պաղեստինի՝ ՄԱԿ-ին անդամակցելու բանաձևի նախագծի վրա
Քաղաքականություն
19.04.2024 | 12:28
ԱՄՆ-ը վետո է դրել ՄՍԿ-ի Անվտանգության խորհրդի բանաձևի նախագծի վրա, որը խորհուրդ է տալիս Գլխավոր վեհաժողովին Պաղեստին պետությունն ընդգրկել իր կազմում որպես լիիրավ անդամ, գրում է DW-ի ռուսական ծառայությունը։
Նախօրեին տեղի ուենցած նիստում Անվտանգության խորհրդի 12 անդամներ, այդ թվում՝ Ռուսաստանը և Չինաստանը, քվեարկել են Ալժիրի առաջարկած փաստաթղթի ընդունման օգտին: Մեծ Բրիտանիան և Շվեյցարիան ձեռնպահ են մնացել, դեմ է եղել միայն ԱՄՆ-ը։
«ԱՄՆ-ը նախկինի պես վճռական կերպով աջակցում է երկու պետությունների ստեղծմանը։ Այս քվեարկությունը չի արտացոլում պաղեստինյան պետականության դեմ հակազդեցությունը, այլ ընդունում է, որ դա տեղի կունենա միայն կողմերի միջև ուղիղ բանակցությունների միջոցով»,- քվեարկությունից հետո ասել է ՄԱԿ-ում ԱՄՆ մշտական ներկայացուցչի տեղակալ Ռոբերտ Վուդը:
Պաղեստինի ղեկավար Մահմուդ Աբասը դատապարտել է ՄԱԿ-ի Անվտանգության խորհրդում ԱՄՆ-ի վետոն՝ այն անվանելով «անարդար, անբարոյական և չարդարացված»: Նրա խոսքով՝ դա հակասում է «միջազգային հանրության կամքին, որը վճռականորեն աջակցում է Պաղեստինի լիիրավ անդամակցությանը» համաշխարհային կազմակերպությանը։
Իսկ ահա Իսրայելի ԱԳ նախարար Իսրայել Կացը ողջունել է Վաշինգտոնի քայլը՝ նշելով, որ «ամոթալի առաջարկը մերժվել է և ահաբեկչությունը չի պարգևատրվի»։
