07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Շուրջ 50 երկրներ դատապարտել են Իրանի հարձակումն Իսրայելի վրա
Քաղաքականություն
18.04.2024 | 20:43
Շուրջ 50 երկրներ դատապարտել են Իրանի հրթիռային և անօդաչու թռչող սարքերի հարձակումը Իսրայելի վրա՝ կոչ անելով տարածաշրջանի կողմերին ջանքեր գործադրել՝ իրավիճակի հետագա վատթարացումը կանխելու համար, գրում է VOA-ն։
Համապատասխան հայտարարությամբ են հանդես եկել ՄԱԿ-ում այս երկրների մշտական ներկայացուցիչները, որոնք խոստացել են նաև դիվանագիտական մակարդակով համագործակցել Մերձավոր Արևելքում լարվածությունը կարգավորելու համար։
«Մենք նշում ենք, որ Իրանի էսկալացիոն հարձակումը հերթականն է Իրանի և իր ռազմական գործընկերների ապակայունացնող ու վտանգավոր գործողությունների շարքում, որոնք լուրջ սպառնալիք են միջազգային խաղաղությանն ու անվտանգությանը»,- ասված է հայտարարության մեջ։
ԱՄՆ-ը, ԵՄ-ն և G7-ի արդյունաբերական երկրները հայտարարել են Իրանի դեմ պատժամիջոցները խստացնելու մտադրության մասին: Այս քայլն ուղղված է Իսրայելին աջակցելուն՝ միևնույն ժամանակ նրան չխրախուսելով հակահարված տալ Թեհրանին:
