24.06.2026 | 16:56
Թրամփը պնդում է՝ Իրանը տեղեկացրել է ԱՄՆ-ին, որ Հորմուզի նեղուցով անցնող նավերից վճար չի գանձվում
Մոսկվայում ադրբեջանցին սպանել է տղամարդուն, որն իրեն նկատողություն է արել մայթին կայանելու համար
Քաղաքականություն
18.04.2024 | 21:16
Մոսկվայի հարավ-արևելքում տղամարդը դանակահարել է մի երիտասարդի, որը նկատողություն է արել մեքենան չսահմանված վայրում կայանելու համար։ Այս մասին հայտնում է Մոսկվայի գլխավոր քննչական վարչության մամուլի ծառայությունը, գրում է ՌԻԱ Նովոստին։
Դեպքի առթիվ հարուցվել է քրեական գործ՝ Քրեական օրենսգրքի 105-րդ հոդվածի 1-ին մասի («սպանություն») հատկանիշներով։
Հետաքննության տվյալներով՝ ապրիլի 17-ին Ադրբեջանի 21-ամյա քաղաքացին ավտոմեքենան կայանել է Կրասնոդարսկայա փողոցի տներից մեկի մուտքի մայթին։ Սա առաջացրել է տեղի 24-ամյա բնակչի դժգոհությունը։ Նկատողությանն ի պատասխան՝ ադրբեջանցին հարձակվել է մոսկվացու վրա, ծեծի ենթարկել նրան ու դանակով հարվածել որովայնին։
Քննիչներն ու քրեագետներն առգրավել և ստուգել են քաղաքի տեսախցիկների տեսագրությունները:
Ավելի ուշ Քննչական կոմիտեն հայտնել է, որ կասկածյալի ինքնությունը պարզվել է, և որ նա ապօրինի է գտնվում Ռուսաստանում։ Որոնողական աշխատանքներ են կատարվում։
Իրավապահ մարմիններում ՌԻԱ Նովոստիի աղբյուրը հայտնել է, որ ադրբեջանցու ժամանակավոր գրանցման ժամկետը լրացել է փետրվարին։
