Քաղաքականություն
17.04.2024 | 18:09
Ուկրաինայի բանակի անօդաչու թռչող սարքերն ապրիլի 17-ի առավոտյան հարձակվել են Գորբունովի անվան Կազանի ավիացիոն գործարանի վրա, որն արտադրում և վերանորոգում է ռազմական ինքնաթիռներ, այդ թվում՝ Տու-22Մ և Տու-160Մ ռմբակոծիչներ։ Այս մասին RBC-Ukraine-ին հայտնել են Ուկրաինայի հատուկ ծառայությունների աղբյուրները։
Նրանց տվյալներով՝ գործարանում պայթյունները տեղի են ունեցել առավոտյան ժամը 10-ի սահմաններում։ Մոտավորապես հենց այդ ժամին էլ տեղական Telegram-ալիքներից մեկը գրել էր, որ գործարանի տարածքում օդային հարվածի ազդանշան է միացվել։ Հաղորդվել է նաև Կազանի ուղղաթիռների և ավիացիոն գործարանների աշխատակիցների տարհանման մասին։
Տեղական Inkazan.ru պորտալը հայտնել էր, որ տարհանում է իրականացվել նաև Ալաբուգայի հատուկ տնտեսական գոտու տարածքում։
