07.10.2026 | 23:48
Արթուր Դանիելյանը կալանավորվեց
Բայրամովն ընդունել է ԵՄ հատուկ ներկայացուցչին
Քաղաքականություն
17.04.2024 | 17:20
Ադրբեջանի ԱԳ նախարար Ջեյհուն Բայրամովն ընդունել է Կենտրոնական Ասիայի հարցերով ԵՄ հատուկ ներկայացուցիչ Տերհի Հակալային։ Ադրբեջանի ԱԳՆ-ի հաղորդմամբ՝ հանդիպմանը մտքեր են փոխանակվել Ադրբեջանի և Եվրամիության միջև հարաբերությունների ներկա իրավիճակի և հեռանկարների, Կենտրոնական Ասիայի ու Եվրամիության հարաբերություններում Ադրբեջանի դերի, միջազգային հարթակներում և ձևաչափերում համագործակցության հարցերի շուրջ։
Քննարկման հիմնական թեմաներն են եղել էներգետիկ անվտանգության, կապի և տրանսպորտի ոլորտում համաձայնությունները, ինչպես նաև Կենտրոնական Ասիայի հետ հարաբերությունները։
Ընդգծվել է Ադրբեջանի ու ԵՄ-ի միջև էներգետիկայի ոլորտում ռազմավարական գործընկերության մասին փոխըմբռնման հուշագրի կարևորությունը, որը նախատեսում է համատեղ գործունեություն էներգետիկ անվտանգության, ինչպես նաև այլընտրանքային էներգիայի ռեսուրսների զարգացման առումով:
ԵՄ պատվիրակությանը ներկայացվել է նաև տրանսպորտի ու կապի զարգացման ոլորտում Ադրբեջանի կատարած աշխատանքների մասին։
