30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իսրայելը դիտարկում է Իրանի միջուկային օբյեկտներին հարվածի տարբերակը․ The Jerusalem Post
Քաղաքականություն
17.04.2024 | 15:31
Իսրայելի պաշտպանության բանակը կողմնորոշվել է Իրանի պատասխան հարվածի հարցում, սակայն դեռևս չի ընտրել դրա համար հարմար ժամանակը։ Այս մասին The Jerusalem Post-ին հայտնել են իրազեկ աղբյուրները։
Նրանց տվյալներով՝ պատասխանի տարբերակները ենթադրում են հարվածներ իրանական միջուկային օբյեկտներին, հարվածներ բազաներին, ինչպես նաև ԱԹՍ-ների ու բալիստիկ հրթիռների արձակման հարթակներին։ Դիտարկվում են նաև պատժամիջոցները Իսլամական հեղափոխության պահապանների կորպուսի դեմ։
Ըստ պարբերականի զրուցակիցների՝ հնարավոր է, որ Իսրայելի պաշտպանության բանակն օգտագործի այս տարբերակների համադրությունը։ Սահմանափակ պատասխանի դեպքում իսրայելական ուժերը կարող են կենտրոնանալ Իսլամական հեղափոխության պահապանների կորպուսի բարձրաստիճան սպաների և նրանց դաշնակից որոշակի անձանց վրա: Հավանական է, որ Իսրայելի ռազմաօդային ուժերը «ներգրավվեն չափազանց կարևոր թիրախի դեմ», նշում է The Jerusalem Post-ը:
Նախօրեին Իրայելի Գլխավոր շտաբի պետ Հերզի Հալեվին 136-րդ գումարտակի հակաօդային պաշտպանության «Arrow» մարտկոց կատարած այցի ժամանակ հայտարարել էր, որ Իսրայելը վարում է «թիկունքային քաղաքականություն», որպեսզի «գոնե այս Զատկի շաբաթը թույլ տա քաղաքացիներին ապրել գրեթե սովորականի նման»։ Թերթը գրում է, որ այս հայտարարությունը կարող է շեղող մանևր լինել՝ Թեհրանի «զգոնությունը թուլացնելու» համար։
