07.10.2026 | 18:03
ԵՄ դեսպանները համաձայնեցրել են ՌԴ-ի դեմ պատժամիջոցների նոր՝ ռեկորդային ցուցակը
Պեսկովը հաստատել է՝ Արցախից ռուս խաղաղապահների դուրսբերման գործընթաց է սկսվել
Քաղաքականություն
17.04.2024 | 14:05
Կրեմլը հաստատում է, որ Արցախից ռուսական խաղաղապահ ուժերի դուրսբերման գործընթաց է սկսվել, գրում է «Ինտերֆաքսը»։
«Այո, դա իսկապես այդպես է»,- ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով այդ մասին ադրբեջանական ԶԼՄ-ներում տարածվող տեղեկությունների մասին հարցին։
Հիշեցնենք, որ նախօրեին ադրբեջանական լրատվամիջոցները հայտնել էին, թե հայկական Դադիվանք վանական համալիրի պաշտպանությունը ռուս խաղաղապահները փոխանցել են ադրբեջանական ոստիկանությանը։ Դրանից հետո սկսեցին տարածվել ռուս խաղաղապահների տեխնիկայի շարասյունների տեղաշարժի տեսանյութեր։ Ըստ ադրբեջանական լրատվականների՝ վանքն ադրբեջանական ոստիկանությանը հանձնելով՝ սկսվել է Արցախում տեղակայված ռուսական խաղաղապահ զորախմբի դուրսբերման գործընթացը։
