16.05.2024 | 20:43
Հայաստանում սնկից այս տարի թունավորվել է 8 մարդ. ԱՆ-ն զգուշացնում է
ԱՄՆ-ն աջակցում է Իրանի դեմ նոր պատժամիջոցներին՝ Իսրայելի վրա հարձակումից հետո
Քաղաքականություն
16.04.2024 | 23:30
ԱՄՆ ֆինանսների նախարար Ջանեթ Յելենը նոր պատժամիջոցներ է նախապատրաստում Իրանի դեմ՝ խոստանալով, որ Վաշինգտոնը «չի վարանի տնտեսական պատիժ սահմանել»՝ ի պատասխան Իսրայելի վրա աննախադեպ հարձակման, գրում է Axios-ը։
Նախագահ Ջո Բայդենը կոչ է արել Իսրայելի վարչապետ Բենիամին Նեթանյահուին ռազմական զսպվածություն ցուցաբերել: Սակայն տնտեսական ոլորտում վարչակազմը պատրաստակամություն է ցուցաբերում հակահարված տալ Իրանին։ Սա ուղերձ է Իսրայելին, որ Թեհրանին վնասելու մեկից ավելի ճանապարհ կա։
Նշվում է, որ Յելենը ճնշում կգործադրի այլ երկրների ֆինանսների նախարարների վրա, որոնք այս շաբաթ կայցելեն ԱՄՆ՝ ԱՄՀ ամենամյա գարնանային հանդիպումներին:
«Նախարարությունը չի վարանի աշխատել մեր դաշնակիցների հետ՝ օգտագործելու մեր պատժամիջոցային ներուժը և շարունակելու խափանել իրանական ռեժիմի չարամիտ և ապակայունացնող գործունեությունը։ Իրանի և նրա պրոքսիների հարձակումն ընդգծում է գանձապետարանի աշխատանքի կարևորությունը՝ օգտագործելու մեր տնտեսական գործիքները Իրանի չարամիտ գործունեությանը հակազդելու համար»,- այս մասին ասվում է Յելենի՝ մամուլի ասուլիսի բացման համար նախատեսված ելույթի տեքստում, որը հայտնվել է Axios-ի տրամադրության տակ։
Սպիտակ տան ազգային անվտանգության խոսնակ Ջոն Քիրբին իր հերթին հայտարարել է, որ «Մեծ յոթնյակը» ևս դիտարկում է պատժամիջոցների հարցը՝ նպատակ ունենալով Իրանին մեկուսացնել միջազգային մակարդակում և մեծացնել տնտեսական ճնշումը ռեժիմի վրա։
